অাজকে অবশ্যই পড়তে হবে মনসাদেবী স্তোত্রম্ | मनसादेवी स्तोत्रम् | Manasa Devi Stotram |

মনসাদেবী স্তোত্রম্
মহেন্দ্র উবাচ ।
দেবীং ত্বাং স্তোতুমিচ্ছামি সাধ্বিনীং প্রবরাং পরাম্ ।
পরাত্পরাং চ পরমাং ন হি স্তোতুং ক্ষমোঽধুনা ॥ ১॥



স্তোত্রাণাং লক্ষণং বেদে স্বভাবাখ্যানতঃ পরম্ ।
ন ক্ষমঃ প্রকৃতিং বক্তুং গুণানাং তব সুব্রতে ॥ ২॥

শুদ্ধসত্ত্বস্বরূপা ত্বং কোপহিংসাবিবর্জিতা ।
ন চ শপ্তো মুনিস্তেন ত্যক্তয়া চ ত্বয়া য়তঃ ॥ ৩॥

ত্বং ময়া পূজিতা সাধ্বি জননী চ য়থাঽদিতিঃ ।
দয়ারূপা চ ভগিনী ক্ষমারূপা য়থা প্রসূঃ ॥ ৪॥

ত্বয়া মে রক্ষিতাঃ প্রাণাঃ পুত্রদ্বারাঃ সুরেশ্বরি ।
অহং করোমি ত্বাং পূজ্যাং মম প্রীতিশ্চ বর্ধতে ॥ ৫॥

নিত্যং য়দ্যপি পূজ্যা ত্বং ভবেঽত্র জগদম্বিকে ।
তথাঽপি তব পূজাং বৈ বর্ধয়ামি পুনঃ পুনঃ ॥ ৬॥

য়ে ত্বামাষাঢসঙ্ক্রান্ত্যাং পূজয়িষ্যন্তি ভক্তিতঃ ।
পঞ্চম্যাং মনসাঽঽখ্যায়াং মাসান্তে বা দিনে দিনে ॥ ৭॥

পুত্রপৌত্রাদয়স্তেষাং বর্ধন্তে চ ধনানি চ ।
য়শস্বিনঃ কীর্তিমন্তো বিদ্যাবন্তো গুণান্বিতাঃ ॥ ৮॥

য়ে ত্বাং ন পূজয়িষ্যন্তি নিন্দন্ত্যজ্ঞানতো জনাঃ ।
লক্ষ্মীহীনা ভবিষ্যন্তি তেষাং নাগভয়ং সদা ॥ ৯॥

ত্বং স্বর্গলক্ষ্মীঃ স্বর্গে চ বৈকুণ্ঠে কমলা কলা ।
নারায়ণাংশো ভগবান্ জরত্কারুর্মুনীশ্বরঃ ॥ ১০॥

তপসা তেজসা ত্বাং চ মনসা সসৃজে পিতা ।
অস্মাকং রক্ষণায়ৈব তেন ত্বং মনসাভিধা ॥ ১১॥

মনসা বেদিতুং শক্তা চাঽঽত্মনা সিদ্ধয়োগিনী ।
তেন ত্বং মনসাদেবী পূজিতা বন্দিতা ভবে ॥ ১২॥

য়াং ভক্ত্যা মনসা দেবাঃ পূজয়ন্ত্যনিশং ভৃশম্ ।
তেন ত্বং মনসাদেবী প্রবদন্তি পুরাবিদঃ ॥ ১৩॥

সত্ত্বরূপা চ দেবী ত্বং শশ্বত্সত্ত্বনিষেবয়া ।
য়ো হি য়দ্ভাবয়েন্নিত্যং শতং প্রাপ্নোতি তত্সমম্ ॥ ১৪॥

ইদং স্তোত্রং পুণ্যবীজং তাং সম্পূজ্য চ য়ঃ পঠেত্ ।
তস্য নাগভয়ং নাস্তি তস্য বংশোদ্ভবস্য চ ।  var  তস্যবংশে ভবেচ্চ য়ঃ
বিষং ভবেত্সুধাতুল্যং সিদ্ধস্তোত্রং য়দা পঠেত্ ॥ ১৫॥

পঞ্চলক্ষজপেনৈব সিদ্ধস্তোত্রো ভবেন্নরঃ ।
সর্পশায়ী ভবেত্সোঽপি নিশ্চিতং সর্ববাহনঃ ॥ ১৬॥

ইতি শ্রীব্রহ্মবৈবর্তে মহাপুরাণে দ্বিতীয়ে প্রকৃতিখণ্ডে
মনসোপাখ্যানে শ্রীমনসাদেবী স্তোত্রং সম্পূর্ণম্ ॥